Стоглав. Постановления Стоглавого Собора (1551 год)

ГЛАВА 92. ОТВЕТ О ИГРИЩАХ ЕЛЛИНСКАГО БЕСОВАНИЯ

Еще же мнози от неразумения простая чадь православных християн во градех и в селех творят еллинское бесование, различныя игры и плескание против праздника рождества великого Ивана Претечи в нощи и на самый праздник в весь день и нощь. Мужи и жены, и дети в домех, и по улииам обходя, и по водам глумы творят всякими игры и всякими скомрашствы, и песньми сатанинскими, и плясанми, и гусльми, и иными многими виды, и скаредными образовании, еще же и пьянством. Подобна же сему творят во днех и в навечерии рождества Христова, и в навечерии Василия Великаго, и в навечерии богоявления. А инде иным образом таковая неподобная дела творят в троицкую суботу. И заговев Петрова посту в первый понедельник, ходят по селом и по погостом, и по рекам на игрища. Тая же неподобная еллинская бесования творят, и тем бога прогневают. В неведыи согрешают простая чадь. Никим же возбраняеми и обличаеми ни запрещаеми, ни от священник наказуеми, ни от судей устрашаеми таковая творят неподобная дела святыми отцы отреченная. Вместо же сего бесования отныне и впредь подобает крестияном на таковая святыя и честныя праздники и посты к церквам божиим на молитву упражнятися и песньми божественными услаждатися, и святаго почитания божественного со вниманием слушати, и на божественных литоргиях со страхом стояти, и потом брашном и питием в домех своих учреждатися вкупе, о бозе ликовствующе со священническим чином и со други своими и маломощных питающе, и веселящеся в славу божию, а не пьянством, якоже и в прочия господьския праздники. И того ради по священным правилом и по заповеди святых отец отныне и впредь всем православным християном на таковая древняя еллинская бесования не исходити ни во градех, ни по селом, ни по рекам. И о том благочестивому царю по всем градом и по селом своя царская заповедь учинити, чтобы православные християне на таковое бесование еллинское: впредь не сходилися и чтобы то еллинское бесование отныне и впредь божиею благодатию и в твое христолюбивое царство попрано было до конца. И о том о всем еллинском бесовании и игрании свидетельство от священных правил сице написахом. Святаго вселенского шестого собора правило 50 и 5/ запрещает всякое играние.

Толк. Пятьдесятное убо правило собора сего возбраняет играти всем и причетником, и мирским человеком зернью и шахматы, и тавлеями, и влириями, рекше костьми, и прочими таковыми играми. 51 правило всякое играние возбраняет и отметает и причетникам, и простым людем. Такоже и упивание в пьянство. Не предаде господь бог пити вина в пьянство, но в веселие, иже в печали сущим и в жестоких скорбех пребывающим, и многим попечением утомляющимся или во многих болезнех, на здравие сущим или на мало отдохновение в великих недузех изнемогающим. Люто бо есть пьянство, сего ради отречено бысть. Не упивайтеся, — рече бо, — вином, в нем же есть блуд. Но и от корчемническаго делания и служения клирицы возбраняются по 9-му правилу тогоже святаго шестого собора. Праздность бо и пьянство, и играние всему злу начало есть и погубление велие. Сего ради отрицают вся божественная писания и священныя правила всякое играние, и зерни, и шахматы, и тавлеи, и гусли, и смыки, и сопели, и всякое гудение,670 и глумление, и позорище, лясание. Рече бо господь: «Горе вам, смеющимся ныне, возрыдаете и восплачете». И святых апостол правило 42 и 43 глаголет. Епископ или презвитер или диякон на игры упжняйся и на пьянство, или да престанет, или да извержется. Такоже и поддиякон, или чтец, или певец творяй, или да предмет. или да извержется. Такоже и простым человек. И новая заповедь глаголет. Аще епископ или презвитер, или диякон, или поддиякон, и прочий от причетник игры творяй, или приобшаяся играния творящим, или приседя, или позор, или лов зряй — отлучатся всякия священныя службы и пищи даяния своего лишаются. И уставляетжеся ему время некое к покаянию. Аще достоин внутрь времени, явится покаявся, паки приходит в свой степень, милости бо ради и человеколюбия божия сподобляется, паки священнического степени в немже аще кто бысть. Аще ли же по времени покаяния в таковая же возвращается и упражняется — совершенно изгоняется от причта. И паки в новых глаголет второе завещание первого гранеси. На три лета тем от службы отлучитися и покаянием очищатися, и тако восходити на священныя своя степени. Сокращаетжеся тем и умаляется время покаяния милости ради божия и человеколюбия, аще во страсе божий пребудут. Писано бо есть: «Страхом господним всяк уклоняется от зла».

ГЛАВА 93. ОТВЕТ О ТОМ ЖЕ ЕЛЛИНСКОМ БЕСОВАНИИ И ВОАХВОВАНИИ И ЧАРОДЕЯНИИ

Правило 61 и 62 святаго шестого собора святых отец возбраняет к волхвом ходити и запрещает православным християном поганских и еллинских обычаев и игор, и плясания, и плескания, и над делвами, сиречь над бочками, и корчагами квас призывающее. и грохочюще, и прочих неподобных дел творити. И о всем о том толк. 61 правило. Иже последуют поганским обычаем и к волхвом или ко обавником ходят, или в домы своя тех призывают, хотящий уведати от них некая неизреченная, такоже и кормящей и хранящей медведи или иная некая животная на глумление и на прелщение простейших человек, и иже в получай веруют и в родословие, рекше в рожданииы, и в обояния, и иже глаголются облаки гонящей, таковая творящим повеле святым собор 6 лет запрещения дали... Якоже за 4 лета — да стоят с припадающими. Друзии же 2 лета — да стоят с верными. И тако да сподобятся божественных даров. А ще же неисправлении пребудут, и по запрещении еллинских сих хитростей не останутся, от церкви всячески всюду да ижденутся. о волсвех же и о обавницах реша богоноснии отцы и иерковнии учитилие. Паче же инех Златоустый глаголет. Яко волшествующец и обавление творящей, аще и святыя Троица имя нарцают, аще и святыя призывают, аще и знамение честного креста Христова творят, бегати подобает от них и отвращатися. О том же еллинском бесовании тогоже правило 62.

Каланты и вота, и врумалия еллински и греческим языком глаголется еже есть первые дние коегождо месяца, наипаче же марта месяца, празднование велие торжественно сотворяюще, и играния многая содевашеся по еллинскому обычаю. Се же собор всех сил и подобных сим играния творящих отметает и запрещает. Сице же и женская в народех плясания яко срамна суща и на смех и на блуд воставляющц многих. Такоже мужем и отроком женским одеянием не украшатися, ниже просто женская одеяния носити.

Ни женам в мужеска одеяния облачатися, но комуждо подобная своя одеяния имети и от сего познаватися. Такоже неподобных одеяний и песней плясцов и скомрахов и всякого козлогласования и баснословия их не творити. Егда же вино топчют или егда вино в сосуды проливают, или иное кое питие сливают, гласование и вопль велий творят неразумнии по древнему обычаю еллинская прелести. Елиннскаго бога Диониса, пьянству учителя, призывают и, гласящи великим гласом, квас призывают, и вкус услажают, и пьянство величают. Се же святый собор сих всех не повелевает творити.

Неповинующихжеся — запрещает. Пребывающих же в том, аще причетницы суть — изметает, аще мирстии суть — отлучает. К сим же прочти и святых апостол правило 42 и 43 и иже в Лаодикии собора правило 53 и 54, и собора иже в Трулле правило 24 и 50 и 51, и иже в Карфагене собора правило 60 и 61. Инде же 64 и 65 и 15 правило тогоже карфагенскаго собора глаголет. Яко чада священническая позорища не творят, ниже созирают позорствование. Се же и всем християном предано есть, яко идеже хуление бывает — не приходити. И новыя заповеди Устинияна царя последующе священным правилом в 37 главизне отрицают играние всякое и позорствование творити всем священным епископом и презвитером, и дияконом, и поддияконом, и четцом, и певцом, и прочим причетником, и иноком прочим. О том же еллинском бесовании правило 65 шестого собора. Вжизаемыя огнища в новыя месяца от неких пред своими де дате льни цами и пред домом яже и прескакати нецыи по некакому обычаю древнему блудят, отселе престати повелеваем. Иже убо таковое что сотворит, аще клирик будет — да извержется, аще же простец — да отлучится. Писано бо есть в четвертом царстве: «И созда Манасие требник всему воинству небесному пред двема дворы дому господня и проведе чада своя по огню, и вошнествование, и вражаще, и сотвори волшебницы и угадателей, и умножи сотворити злое пред господем, якоже прогневати его».

Толк. Нецыи же пред храмы  своими идеже купят или продают, или пред враты домов своих пожар запалив прескакаху по древнему некакому обычаю. И се упражняюще отцы повелевают, аще убо обрящется причетник таковое нечто творя — да извержется, мирский же человек — да отлучится, ибо и Манасия царь, сквозе пламень провед чада своя и волшествуя, разгневи бога.

Толкование тому же. Сей святый собор многия обычая древняя возбрани и отмета, якоже глаголемыя каланды и иная многая отверже. Такоже и сия, иже марта месяца и в прочия новыя месяцы волхвования сотворящая, или в великий четверток труд полагают в древо, и то древо иже имать в обоих концах труд, концы полагают во два древа, и той огнь вжизают во вратех или пред враты домов своих, или пред торговищи своими сюду и сюду. И тако сквозе огнь проходяще с женами своими и с чады своими по древнему обычаю, волхвующе, якоже писано есть в четвертом царстве о Манасии цари, иже сквозе огнь проведе чада своя, вражаше и волхвуяше, и разгневи бога. Всякое волхвование отречено есть от бога, яко бесовское служение есть. Сего ради собор сей отныне таковая творити не повелел есть и запрещает причетником — извержением, простым же — отлучением.

ГЛАВА 94. ОТВЕТ, В КОТОРЫЕ ДНИ СУД НЕ СУДИТСЯ И ПОЗОРИЩЕ НЕ БЫВАЕТ.

СЕДЬМЫЯ ГРАНИ ГЛАВА I.

Шестая заповедь повелевает, яко праздни суть, иже преже пасхи 7 дний и 7 дний по пасце, и день прежде рождества Аристова, и святаго богоявления, и страстей святых апостол день, и всякие недели, и в таковы дни позорище не бывает, ни суд судится в /5 дней, иже преже пасхи и по пасце, ни людский долг, ни особнии, ни стязуются. 17 заповедь повелевает в ту 15 дний свобожения и в пекленицах, идеже пекутся хлебы, работати, и продати, и еже от них поминания составляти. 50 заповедь тояже грани, глава 25 рече, яко в 40 дний святаго поста и в день святыя пасхи разбойницы мучатся. О немже свидетеля рещи подобно паче всех Исаврий. 3-я же заповедь 4-я грани 1-х книг свитка рече, яко в день святыя пасхи никтоже не затворяется в темницы и никтоже связывает, токмо прелюбодей и блудник, и восхищая девицу, и гробный тать, и отравник, и куяй втайне переперы, сииречь с подмесы, и убийца, и мучитель, ecu бо сии всегда по вине своей приемлют. Прочий же единою токмо помиловани бывают. О том же глава 4. Аще приспеет праздник царский, в неделю рекши воспоминание дни рождения его, или рожение сына и дщери его, или некое от таковых, прелагается позорище на ин день.

Позори же дея, в неделю воинства лишен будет672 и имение его разграбити. Позывая на судище, преступив закон, тоже постражет . Подобно же есть совещевати и раздрешати в неделя. Рече же в книгах первых заповедей 2 и 1 3, яко жидове в су боту и во иныя их праздники ни плотских работ не творят, рекше ни ядят, ни пьют, ни пекут, ни варят, и ничтоже иного творят, ни людских ради, ни особных вин, не позываеми суть на судище, ни сами християн ни позывают.

ГЛАВА 95. ОТВЕТ КАКО ПОДОБАЕТ ХРИСТИЯНОМ ПРАЗДНОВАТИ

О том же божию святую и верховную апостол Петра и Павла правило 1-е и 2-е. Аз Петр и Павел заповедаяве людем делати в 5 дний в недели. В суботу же и в неделю да упражняются в Церковь, поучения ради книжного благоверия. Субота быти всея твари образ имать, неделя же — воскресения день. Правило 2-е. Великая же неделя, сиречъ страстная, и другая же по ней, рекше святых пасхи, да не делают людие, но да празднуют ecu раби и свободный. Оная убо неделя яко страсти господни есть, сия же яко воскресения его и требе и есть поучатися кто есть пострадавый и воскресе, и свободивый нас. О том же правило 66. От святаго воскресения Христа бога нашего дни до новые недели всю неделю пребывали бы подобает неоскудне верным псалмы и хвалами, и песньми духовными веселящимся о Христе и празднующим, и божественных писаний чтению внимающим, и святыми тайнами наслаждающимся. Будем сице со Христом воскресше и вознесшеся, да никакоже в предьлежащая дни конная у ристания бывают или людский ин позор да не действуется. Толк. Кто святым церквам подобает верным упражнятися во псалмех и в пениих, веселитися всю неделю, иже по святом воскресении Христа бога нашего.

Толкование. Правило иного переводу. От святаго воскресения Христа бога нашего дни даже до новые недели всю седмицу во святых церквах упражнятися подобает неоскудно верным во псалмех и в пениих, и в песнех духовных веселящимся о Христе и празнующим, и божественных писаний чтению внимающим, и святых тайн наслаждающимся. Будем бо сице со Христом востающе же и возвышаеми. Никакоже убо в предлежащих сих днех конная течения или ин народный позор да творится.

ГЛАВА 96. О ЕПИСКОПЕХ И О ПРИЧЕТ НИЦЕХ ПРАВИЛО 80.

Аще кий епископ или презвитер, или диякон, или в причитаемых в клирос, или простец ни едину нужду тяжкую имать или вещь неподобну на множае остатися от церкви, но во граде пребывая в три неделъныя дни, в три седмицы не сходится в собор, аще клирик — да извержен будет, ащели простец — да отлучен будет от комкания. Толк. Иже за три недели кроме церкви пребудет без всякия нужи и великие напасти, аще есть причетник — да извержется, аще ли мирский человек — да отлучится.

ГЛАВА 97. ОТВЕТ О МИЛОСТЫНИ И О РУГЕ ПО МНОГИМ МОНАСТЫРЕМ.

И по которым монастырем отец твой, государь, князь великий Василей Иванович, всея Русии самодержец, давал милостыню в приказ, а не в прок, и хлеб, и соль, и денги, и воск на свечи, и мед на кутью, и пшеницу на просфиры, и после того мати твоя, государыня, великая княгиня Елена, несполна в приказ же, а не в прок, давала не по вся годы, и после твоея матери, великия княгини, до твоего царского возраста многия монастыри грамоты поймали по вся годы имати милостыня в прок в ругу. А иные монастыри и церкви многие приходные внове в те же времена грамоты поймали ругу имати из казны. А у тех монастырей села есть и иные доходы, а у приходных церквей се приход улица, а у иных  села есть и огороды, и сады, и пожни, и тыс пошлины и лавки поземныя, a и твою царскую ругу строили себе в те же времена из казны до твоего царскаго возпаста. И о том тебе государю благочестивому царю велети известно обыскати. По которым будет монастырем по большим и по меншим, и по убогим местом отец твой, приснопаметный государь, князь великий Василей Иванович всея Русии, давал в прок милостыню, и тебе царю и ныне по тем монастырем по тому же давати милостыня в прок. А по которым монастырем давал отец твой милостыню в приказ, а будет у тех монастырей села и доходы, и мощно им без той руги прожити, и то в твоей царской воли: и дати, и отложити.

А по которым монастырем и церквам по убогим местом давал отец твой милостыню в приказ, а у тебя, царя, все те многие грамоты поймали, что имати милостыня в прок, и тебе, царю государю, и о том велети же обыскати известно. Которым будет убогим монастырем и церквам можно без той руги прожити, и то, государь, в твоей царской воли, а которым будет убогим монастырем и святым церквам без твоей руги впредь прожити невозможно, и тебе, благочестивому царю, достойно и праведно таковых пожаловати. Да и прочил убогия монастыри и места, и святыя церкви, не имущим ниоткуды помощи, устроити в свое христолюбивое царство. А которые ружные попы и дияконы временники в нынешнее лето причли к соборным своих попов и дияконов, да и ругу им и милостыню из царские твоея казны устроили без твоего царскаго ведома, и тех всех попов и дияконов оставити, и руги им царские не давати, и за столы их не пущати. И жити им и молити бога
по старине у своих церквей.

Назад  / Начало    / Окончание

Страницы: 1 2

Вы можете оставить комментарий, или ссылку на Ваш сайт.

Оставить комментарий