Преподобный Ксенофонт Робейский

«Приспе (наступило С. 501) нам, возлюбленнии христиане, пресветлое торжество и память успения преподобнаго Ксенофонта, новгородскаго чудотворца, возрадуемся убо и возвеселимся ублажающе его, и прославляюще песньми и пеньми духовными и похвалами пречестными память его; якоже бо пресветлое солнце, озаряет вся молниеносными лучами своими, и согревает теплотою своею, тако и святая память сего блаженнаго, просвещает помраченныя души наша, и отгоняет мрак греховный, исправляет о Бозе к световидным добродетелем стопы наша, аще усердно поревнуем (постараемся подражать С. 547) непорочному его житию. Сей бо святый от самых младых ногтей, прилепися единому Владыке и Богу, и возлюби Его всем сердцем своим, всею душею, всею мыслию, и всею крепостию своею. Сея ради любви, сей блаженный, отринул вся маловременныя страсти, поплева (презрел С. 456) земная, и искаше небесных и вечных, остави богатство, и возлюби велие нестяжание; твердо бо напечатленно в сердце своем имеяше оное Спасителя своего слово: иже  любит отца или матерь паче Мене, несть Мене достоин; и иже не приимет креста своего, и вслед Мене не грядет, несть Мене достоин. (Матф. 10, 37, 38) Сей спасительный крест желая ревностно понести на себе празднуемый ныне преподобной, отец наш Ксенофонт, во дни же и в нощи выну (всегда, непрестанно С. 111) проливаше теплейшии свои слезы ко всещедрому Владыце; и кто исповесть, колико злопострада сей святый муж в животе своем от злых духов, во время пребывания, по отлучении от преподобного Варлаама Хутынского. Аще ли воззрим на пощение его и воздержание, которыми отсекаются страсти и которыми обезглавляем супостата, по слову апостола святаго; пост онаго мужа не можно обстоятельно описать, когда бо чрез два дни и три дни, овогда же и чрез всю седмицу не вкушаше, во время солнечного зноя жаждою истаеваше. Вот каков бе пост сего святого, вот коликое воздержание! Что на сие рекут нынешнии наши христиане образ токмо имущи благочестия, делы же благочестия отмещушиися (отвергающие С. 396), что рекут тии, им же среда и пяток якоже суббота, и неделя, и протчии дни, несть воздержания, несть поста, вся ядят ничто же сомнящеся (ничуть не задумываясь, не сомневаясь в чем-либо, не колеблясь, ни перед чем не останавливаясь С. 463) по обычаю иностранных христиан, а не правоверных? За сию столь добродетельную и ангелом подобную жизнь, прослави Бог угодника Своего даром чудотворения: беси от человек прогоняше, печальныя утешаше, обидимым помогаше, и бесчисленныя людям благодеяния творяше. Чтож убогия мы тебе отче преподобне Ксенофонте воздадим? Ничтоже, как токмо сию обрадовательную песнь, радуяся воспоем: Радуйся, преподобне Ксенофонте, подражателю святых ангел, радуйся, иже измлада к Богу прилепивыйся. Радуйся, возымевый пост, молитву и коленное преклонение; радуйся, стяжавый смирение и протчия добродетели; радуйся, сладоточныя молитвы благоуханное кадило, юже непрестанно Богу воссылал еси; радуйся, уме наслаждая благих мыслей. Радуйся, столпе терпения и нищеты, радучни (охотно, добровольно С. 536) маловременныя сласти жития сего отвергшийся, радуйся, удайяевыйся (побеждающий С. 749) всякия злобы; радуйся, небопарный орле, возлетевый мыслию к Богу. Радуйся, твердое великому Новуграду основа; радуйся, неисчерпаемый источниче чудес многих; радуйся, врач многоразличных недугов человеческих. Радуйся, заступниче обидимых и вдовствующих; радуйся, с верою приходящих к многоцелебной раце мощей твоих, неоскудныя милости подавая.

Но что мною! Никто же исповедати и похвалити по достоинству возможет, многая и великая дарования в тебе Божия, яже свыше ниспосылает Отец светов любящим добродетель и терпящим великодушно в сем мире многоразличныя беды и напасти! Блажен убо и преблажен великий Новуграде, яко такова светильника в себе стяжал еси, иже озаряет сетозарными лучами чудес своих. Благословеннии христиане, желательно, думаю, каждому из нас удостоити вожделенной части сего угодника Божия, преподобного Ксенофонта. Но чтоб нам оную получить, поревнуем непорочной и добродетельной его жизни, потечем тою стезею, ею же сей святый шествуя, достиже уготованная святым и праведным Богу, бессмертныя вечности, и тем самым приличное и славное памяти его составим торжество и достодолжную воздадим ему почесть. Возлюбим пост, воздержание, молитву, коленное преклонение и прочие святые добродетели. Будем приметатися (лежать у порога С. 497) выну (всегда С. 111) в дому Божии и поучатися в законе его день и нощь. Мир, плоть и дьявола поперем, страсти возненавидим, зависть отрынем (откинем С. 397), ненависть из сердец наших изженем (изгоним С. 214), язык от оклеветания ближняго, руце от хищения, очи от воззрения любострастнаго, нозе от течения на грехопадения воздержим и потечем оными яко елень (олень С. 172)  на источники водныя, во след празднуемаго ныне преподобнаго Ксенофонта. И чтоб нам с пользою успеть в сем богодухновенном подвиге, призовем его на помощь и пролием к нему теплейшии свои молитвы, отнюдуже (откуда С. 396) всем верно молящимся подает еже к полезному прошения. Сего ради вернии, иже торжествующие святую его память, сице (так, таким образомС. 602) помолящеся вопием ему. О любезная и священная главо! Преподобне отче наш Ксенофонте! Назирай свыше милостивно и молися Владыце всех милостивому и всещедрому, и всех благ подателю Богу о соблюдении державы Благовернаго Государя всея России, да подаст Ему многолетнее здравие, святые христианские веры в снабдение и утверждение; да сохранит царство Его от всех сопротивных врагов, цело и неврежденно и всегда, в тишине же и во упокоении, и во умилении всего мира, под наставником и правителем самем Господем нашим Иисусом Христом; его же славяще присно поклоняемся и почитаем, со безначальным Его Отцем и с Пресвятым и Благим и Животворящим Его Духом, ныне и присно и во веки. Аминь.

Тропарь, глас 4
Пустыни явился еси доброе прозябение, отче преподобне, от юности бо чистое житие изволил еси, духовному учителю последуя, и того учением ум твой к Небесным вперив, в пустыню вселился еси, и в ней обитель создал еси, и стаду твоему премудр наставник показался еси, Великому же Новуграду похвала и утверждение; темже и Христос, яко пресветла светильника, чудесы обогати и прослави тя, Ксенофонте, отче наш, моли Христа Бога спастися душам нашим.

Кондак
Господним желанием распалився, и страсти плотские воздержанием отряс, Божественного света незаходимое светило явился еси, чудес лучами всех просвещаеши,  притекающих к раце мощей твоих, Богомудре Ксенофонте, отче наш, моли Христа Бога спастися душам нашим.

Молитва
О преславне чудотворче, преподобне отче Ксенофонте, данною ти свыше благодатию различная источаяй чудеса, призри милостивно на предстоящия честней твоей раце люди и просящия сильныя твоея помощи, да твоими молитвами наставляеми,   маловременное  житие совершим богоугодне и ненаветно от козней лукаваго дьявола; и во исходе душ наших помози нам многогрешным избавитися воздушных мытарств и вечнаго мучения и да улучим твоим ходатайством небесная благая, яже святым уготованная, и прославим вкупе с тобою всех благих Подателя, Единаго всесильнаго в Троице Святей прославляемаго Бога Отца, и Сына и Святаго Духа и твое милостивное предстательство, ныне и присно и во веки веков. Аминь.

Страницы: 1 2 3

Вы можете оставить комментарий, или ссылку на Ваш сайт.

Оставить комментарий