Аѳонская икона Пресвятыя Богородицы Акаѳистная-Предвозвѣстительница, или Борьба Аѳонцевъ за св. Православіе Восточной Церкви и страданія ихъ за несогласіе на унію съ Римомъ и подчиненіе папѣ

На сѣверной: «Здѣ же въ пеплѣ обрѣтена икона Пресвятыя Богородицы, неповрежденная всепоядающимъ огнемъ и предъизвѣстившая нашествіе латинъ на обитель сію. Сей памятникъ сооруженъ въ лѣто 1873; мѣсяца іюня 12 дня».

И какъ намъ всѣмъ, православнымъ вообще и насельникамъ Святой Горы Аѳонской въ особенности, не радоваться, когда Сама Царица Небесная, наша верховная Игуменія, Промыслительница и Назирательница, благоизволила чрезъ одинъ изъ многочисленныхъ Своихъ дивныхъ и благодатныхъ образовъ въ Своемъ земномъ Удѣлѣ, Своимъ гласомъ отъ него, предупредить нашествіе на оный кровожадныхъ латинъ и иже съ ними единозломудренныхъ и симъ явно показать намъ, а чрезъ насъ и всѣмъ другимъ, отпадшимъ и отторгнутымъ, что они дѣйствительно уклонились и отпали отъ истинной вѣры христіанской, сохранившейся лишь въ святой соборной апостольской Церкви на Востокѣ.

«Радуйся, Благодатная, Господь съ Тобою и Тобою — съ нами! Радуйся, кровожадныхъ латинскихъ стремленій наказательницѣ! Радуйся, заблуждшихъ обличительницѣ! Радуйся, гору Аѳонскую иконами Твоими облагодатствовавшая и святою ей достойно нарекшеюся! Радуйся, многими чудесами и дивными знаменьми ихъ ознаменовавшая и прославльшая! Радуйся, и Сама чрезъ нихъ отъ востокъ солнца до западъ прославльшаяся и прославляющихъ Тя прославляющая! Радуйся, иноковъ Аѳонскихъ хранительницѣ! Радуйся, несомнѣнное наше упованіе! Радуйся, всѣхъ православныхъ славо и утѣшеніе! Радуйся, Обрадованная! Радуйся, Благодатная! Радуйся, всѣхъ радостей Радосте!»

*     *     *

[Празднованіе Пресвятой Богородице ради этой Ея святой иконы въ Россіи и повсюду, гдѣ есть списки-подобія этой иконы, въ особенности же въ послѣднее время присланныя въ даръ и во благословеніе съ Аѳона, въ благодатную помощь на враговъ и гонителей Православія, совершается и должно совершаться 10 октября — въ день страдальческой кончины святыхъ 26 преподобномучениковъ Зографскихъ. На Аѳонѣ имѣется нарочито составленная полная бдѣнная служба въ честь и похвалу Богоматери и въ обличеніе латиномудрствующихъ.]

[Избранныя пѣснопѣнія изъ службы Пресвятой Богородицы:]

 

Тропарь въ честь Божіей Матери, ради иконы Акаѳистныя-Предвозвѣстительницы, гласъ 3-й:

«Якоже иногда старцу иноку,* предъ святою Твоею иконою похвальная Тебе воспѣвавшему,* взаимо радоватися рекла еси* и враговъ пришествіе* предвозвѣстила еси, Богородице,* тако и нынѣ услыши наша хвалы* и обстояній лютыхъ свободи,* нашествіе же враговъ видимыхъ и невидимыхъ* прожени отъ насъ,* да вси благодарственно тебѣ вопіемъ:* Радуйся, безневѣстная Мати,* коварства вражія запинающая* и отъ всѣхъ золъ насъ избавляющая».

Кондакъ, гласъ тойже:

«Обитель Зографская и вся гора Аѳонская, отъ нашествія еретичествующихъ и кровожадныхъ латинъ избавльшеся, благодарно вопіютъ Ти, Богородице: радуйся, покрове ширшій облака, отъ зноя гнѣва Божія насъ защищающій и отъ всѣхъ бѣдъ избавляющій».

На велицѣй вечерни, на Господи воззвахъ: стихиры, гласъ 1-й. Подобенъ: О, дивное чудо!

«О, дивное чудо!* икона Богоматери иже во Аѳонѣ,* яко жива сущи,* гласъ провѣщеваетъ, нашествіе враговъ предвозвѣщаетъ.* Тѣмже убо веселитеся, иноцы Аѳонстіи* всю тварь созывайте вопити Преблагословеннѣй:* Благодатная, радуйся, съ Тобою Господь,* подаяй мірови Тобою велію милость».

«О, великое Твое, Богомати, благоволеніе* къ насельникамъ земнаго жребія Твоего,* Ты бо иноку Аѳонскому,* предъ иконою Твоею «радуйся» Тебѣ воспѣвавшему,* взаимно радоватися рекла еси,* и нашествіе суемудрыхъ и духоборныхъ латинъ предвозвѣстила еси.* Тѣмъ же и мы Тебѣ вопіемъ:* Благодатная, радуйся, съ Тобою Господь,* подаяй мірови Тобою велію милость».

«О, дивное вспоможеніе всѣмъ вѣрнымъ еси,* Богородице чистая,* горѣ же Аѳонстѣй и живущимъ въ ней инокомъ* предивный покровъ и заступленіе.* Тѣмже убо свѣтло сотворяюще память,* бывшаго отъ иконы Твоея преславнаго чудесе,* хвалебно Тебѣ вопіемъ:* Благодатная, радуйся, съ Тобою Господь,* подаяй мірови Тобою велію милость».

«Дивная дѣла показалъ еси, Господи,* въ Пречистѣй Матери Твоей:* Ту бо Едину достойно обрѣлъ еси* послужити великому таинству Твоего воплощенія* и Сію даровалъ еси христіанскому роду* Хранительницу и Заступницу:* и не токмо Ей Самѣй,* но и образомъ подобія Ея даровалъ еси силу чудотворенія.* Сего ради хвалебно Ей вопіемъ:* Благодатная, радуйся, съ Тобою Господь,* подаяй Тобою мірови велію милость».

И нынѣ, гласъ 3-й:

«Пріиди, преподобный старче,* воспой съ нами радостную пѣснь,* предъ чудною иконою Богоматери,* якоже иногда воспѣлъ: «Радуйся, Невѣсто неневѣстная».* Да тебѣ ради и намъ речетъ Владычица:* Радуйтеся, вѣрніи раби Сына Моего,* и царствія небеснаго наслѣдницы».

Слава, и нынѣ, гласъ 6-й:

«Егда богомерзціи латины,* яко волчцы во овчей одеждѣ,* на жребій Твой Владычице нападоша,* тогда единъ преподобный старецъ,* предъ иконою Твоею,* во уединеніи молящійся,* гласъ Твой, Богородице, услыша сице вѣщающь:* «Гряди скоро во свою обитель* и возвѣсти братіи,* яко приближаются врази Мои и Сына Моего».* Тойже абіе текъ, узрѣ икону Твою,* отъ нея же гласъ слыша,* надъ враты монастырскими стоящу,* и симъ чудомъ въ истинѣ гласа извѣстися.* Тѣмъ же сотворяюще днесь,* лѣтнюю память сему чудеси,* прославляемъ Тя, Заступницу рода христіанскаго,* и благодарно Тебѣ вопіемъ:* Радуйся, Рождествомъ Твоимъ родъ человѣчь* отъ лести діаволи избавльшая,* и отъ прелести еретическія* присно насъ избавляющая».

Пѣснь 7-я.

(Второй тропарь:) «Великая и малая Россія, якоже Гора Аѳонская и вся Восточная Церковь, отъ лести и насилія папослужителей Тобою, Богомати, избавльшеся, благодарно Тебѣ вопіютъ: Благословенна Ты въ женахъ едина, Всенепорочная Владычице».

Пѣснь 8-я. Ирмосъ: Отроки благочестивые...

«Пойте, иноцы Аѳонстіи, благословляй страно Россійская, благую Владычицу, Заступницу всемилостивую, покровомъ Своимъ православныя люди покрывающую, еретическихъ же вся замыслы разрушающую».

«Хотяху иногда папослужителіе всю землю Россійскую мечемъ плѣнити и вся православныя христіаны во свою пагубную ересь обратити, но заступленіемъ Твоимъ, Владычице, Господь сотре гордыню ихъ; тѣмже превозносимъ Тя во вѣки».

Пѣснь 9-я. Ирмосъ: Всякъ земнородный...

«Пріидите, православія питомцы, духовно возвеселимся, днесь бо наста свѣтлый праздникъ чудныя Пречистыя Богоматере иконы, ею же Православіе утверждается, заблужденіе же латиномудрствующихъ явно изобличается».

Величаніе:

«Величаемъ Тя, Пречистая Богородице Дѣво, и чтемъ образъ Твой святый, имже заблужденіе латинъ изобличила еси, насъ же во Православіи утвердила еси».

Ревнитель Православія Святогорецъ-инокъ
Денасій Пантелеимоновскій.

Примѣчанія:
1. Посланіе святогорцевъ помѣщено въ нашей статьѣ «Борьба за святое Православіе» въ «Минскихъ Епархіильныхъ Вѣдомостяхъ» за 1907 г., а потомъ перепечатано въ «Холмской Церковной Жизни» за 1908 г.
2.  Хартофилаксъ — высшій сановникъ при патріархѣ, завѣдующій важнѣйшими дѣлами по управленію въ патріархатѣ, — главный секретарь, управляющій канцеляріей патріархата.
3. Подробнѣе о прискорбныхъ послѣдствіяхъ отпаденія Ксиропотамскихъ иноковъ въ брошюрѣ «Борьба за Святое Православіе» въ статьѣ «Нашествіе папистовъ на святую гору Аѳонскую».
4.  «Письма съ Востока» (А. Н. Муравьева), часть I, стр. 307.
5.  Кровы — жилища, обиталища, обители (ср. Матѳ. 8, 8; Марк. 9, 5; Лук. 7, 6; 16, 9).
6.  Письма Святогорца, изд. 8-е, стр. 338-339.
7. Тамъ же, стр. 334.
8.  Были и еще потомъ два и тоже большихъ лѣсныхъ пожара вблизи монастыря и въ оба раза брали святую икону Пресвятой Богородицы, съ крестнымъ ходомъ шли къ мѣсту пожарища, и пламя останавливалось, и грозившая опасность монастырю проходила, и благодарность Зографцевъ ко Всепреблагословенной и Всемилостивой умножалась и увеличивалась...
9.  О вселенскомъ Константинопольскомъ Патріархѣ.
10.  О настоятелѣ монастыря.
11.  Кровы, т. е. жилища, обиталища, обители.

Аѳонская икона Пресвятыя Богородицы Акаѳистная-Предвозвѣстительница, или борьба Аѳонцевъ за св. Православіе Восточной Церкви и страданія ихъ за несогласіе на унію съ Римомъ и подчиненіе папѣ. — Шамордино: Типографія Казанской Амвросіевской женской Пустыни, 1913. — 24 с.

Источникъ: «Русскiй Порталъ»

 

Страницы: 1 2 3 4 5 6

Вы можете оставить комментарий, или ссылку на Ваш сайт.

Оставить комментарий