Стоглав. Постановления Стоглавого Собора (1551 год)

Стоглав

 ГЛАВА 15 263ПРАВИЛО 16. ИЕРЕОМ, ИЖЕ НЕ ОБЛАЧАЮТСЯ ВО СВЯЩЕННЫЯ РИЗЫ И НЕРАЗУМИЕМ. ЛИ ГОРДОСТИЮ, ЛИ ЛЕНОСТИЮ264.

Стихарь есть правда, а фелонь есть истина. И прииде правда с небеси и облечеся во истину. Слово божие облечеся в плоть и неразлучно пребывает. Ты же, брате, изволив сан иерейский, не разлучай стихаря с фелонем, аки Христа во двою естеству. Слыши, господа рекша учеником, шедше научите вся языки крестяще я во имя Отца и Сына и святого Духа, учаще я блюсти вся елика заповедах вам. И паки рече: «Тако есть нам лепо исполнити всяку правду, виждъ, како ти рече, блюсти все и исполнити». Павел265 рече: «Облецетеся во всеоружие божие, яко воин божий». И Давыд266 рече: «Иереи твои облекутся в правду». И во отец твоих место быша сынове твои и поставиши я князя по всей земли, во авраамовы чади место постави апостолы, во апостол место святыя отцы, архиепископы, иереи.

ГЛАВА 16   267ПРАВИЛО 17. СВЯТАГО ИВАННА МИЛОСТИВАГО В ПОУЧЕНИЕ ПОПОМ.

Некоторый иерей от церкви Иванна милостивого нача слу-жити вечерню без стихаря. И видев Иван Милостивый и повеле изгнати его и иному иерею повеле совершити вечернюю службу. И неколико днии пробы не служа. И призва его архиепископ и рече ему: «Чадо, ведением ли сице сотвори или не ведая ли леностию или величаяся». И рече поп: «Владыко, неведением се сотворих». И рече ему Иванн: «Аще бы ведая се сотворил ecu или величаяся или леностию, то отнюдь бы тя из-вергл из поповства, но да простит бог тебя, и служи, яко иерей Христов вскладывай фелонь на вечернях и на заутренях и кресты носи, како соблазнился ecu отлагаеши начало иерейству, поставлен ecu первое дьяконом во стихарь и потом фелонь возложен. Како главы не храниши, а поконец ног ся держиши. Начало иерейству отвергл дьяконство и всего причта священнического еже о Христе, и раздираеши ризу от ризы, яко не первии ли злодеи ризу раздраша жидовстии воини, разделиша стихарь господень. Слыши господа глаголюща: „Аз есмъ начало и конец“. И паки рече, пытайте писания, яко в тех имате обрести жизнь вечную. И тый суть о мне послу шест вующе». И рече поп: «Владыко, видех большия попы тако творяща». И рече Иванн: «И яз видех, яко вы творите богатыя и величавыя попы, большими иже у бога хуждъшии суть. А хуждьшия в ве-це сем и работая господеви со страхом в будущем веце вышше будут. И слыши господа глаголюша: „Не приидох, да ми послужат, но да послужу. И кто в вас хотяй быти болии в царствии небесном будет всем мнии и всем слуга“. И то рече отпусти с миром. А о прочем церковном пении — все по уставу творити. Славословие петы и катавасии на сходех пети же, а на заутренях бы и на вечернях говорили псалмы268 и псалтырю тихо и неспешно со всяким вниманием. Такоже бы тропари и се-дальны сказывали по чину и неспешно, и потом чли бы. А вдруг бы псалмов и псалтыри не говорили. Такоже бы и канонов вдруг не канархали и не говорили по два вместе, занеже то в нашем православии велико безчинство и грех тако творити, святыми отцы отречено бысть. Аще кто с земным царем беседует, то со страхом и трепетом предстоит и всем сердцем и умом внемлет от царя глаглемая и не смеет зрети семо и овамо. Още ли оставая царя учнет клевретом своим269 беседовати, каково негодование от царя на себя привлечет И не токмо негодование, но и от лица царева изгнан будет таковый. Коль же паче всем православным во святых церквах на божественном на всяком пении, паче же на литоргиях святых, со страхом и трепетом предстояти ничтоже земнаго помышляюще, якоже писание глаголет, всяк правоверный со вниманием сердечным и со страхом божиим моляйся таковый с богом беседует. Аще кто во святых церквах оставя молитву учнет с други своими о тленных и мимотекущих беседовати, то от бога како услышан будет таковый. Мощно ли человеку зрети единым оком на небо, а другим на землю? Аще раби пред господином два или три или мнози разны вопросы творят вдруг, то како может господин послушати, аще не по единому их ответ сотворит. Такоже во святых церквах и в домех всем православным единеми усты и едином сердцем бога славити во услышание и в разум себе. Уши бы слышали, и сердце разумело. От разумного бо и благочинного божественного пения приходит всякому человеку умиление в душу и страх божий в сердце и умиленное покаяние и слезы, и всем умом к богу вопиюще. И слышав Господь общее и согласное вкупе моление, дарует благодать и милость рабом своим. Того ради подобает пети и чести и тропари гово-рити и седальцы сказывати и степенна пети и сказывати по чину и каноны канархати и говорили не вдруг. Но первие270 во охтайки и потом в минеи или первие в минеи и потом в триоди. Таже и прочая, якоже устав повелевает. Такоже и по вся воскресения и по всем владычним праздником чести и пети и каноны конархати и говорити не вдруг, но по чину и по преданию святых отец чинно и безмятежно безо всякого зазору церковного.

ГЛАВА 17 О ДЕТИНОМ КРЕЩЕНИИ271

А детей бы крестили в церквах по уставу и по преданию святых апостол и святых отец. А не обливали водою, но погружали в три погружения. А крещали бы детей по священным правилом достоверно, якоже есть писано.272 О крещении младенец. Крещается от священника, глаголюще сице: „Крещается раб божий имярек. Во имя Отца“. И погружает его едино» щи, глаголя «аминь». Таже «И Сына. Аминь», и погружает паки. «И святаго Духа», и паки погружает третием. И глаголет:

«И ныне и присно и во веки веком аминь». Ведомо же буди, яко по апостольском 49 правиле измещется священник крести-вый сице рек: «Крестится раб божий, имярек. Во имя Отца и Сына и святаго Духа ныне и присно и во веки веком аминь». И тако погрузив крещаемаго, и паки тоже слово рек и паки погрузив. И паки тоже слово третием рек и паки погрузив. Крестит бо рече в три безначальныя и в три сыны и в три утешителя — в 9 лиц. Такоже измещется по 8 правиле и рекий все тожде слово и погрузив крещаемаго единощи, яко не славя воскресения. Но сице подобает крестити. Прием священник рука-ма крещаемаго и глаголет: «Крещается раб божий, имярек. Во имя Отца, аминь». И низводит его и возводит. «И Сына, аминь». Низводит и возводит. «И святаго Духа. Ныне и присно и во веки веком, аминь». И паки погружает его. И тако бы крестити в три лица божествена. В тридневное воскресение христово треми погруженми, и посем мажет его великим миром и облачит его во вся новая, прежде едав его на руки приемнику. И поет священник с людьми: «Блажени, имже отпустишася беззакония, и имже прикрышася греси» и прочая по уставу. А кум был бы один 273 любо мужеский пол, а любо женский, а по два бы кума и мнози кумове не были, как у вас преже сего было.

ГЛАВА 18 О ОБРУЧЕНИИ И О ВЕНЧАНИИ ОТВЕТ274. 

А обручение бы и венч ние было по божестве ному уставу все сполна во всем священническом чину. И венчали бы после обедни, а ночи бы275 не венчали. А венчали бы отрока пятинадесяти лет, а отроковицу двунадесяти лет по священным правилом. А меньши бы отрока пятинадесяти лет276 не венчали. И потом бы новобрачных поучали от божественного писания, како подобает православным по закону жити и прочая277.

ЧИН И УКАЗ. 
ГЛАВА 19 АЩЕ БУДЕТ ПОНЯТИ ВДОВЦУ ДЕВИЦА ИЛИ ЗА ЮНОШУ ДЕТ ВДОВИЦА. 

Пришедшим сим по литоргии в церковь и станут на месте пред святыми дверями. Священнику же наченшу во всем сану: «Благословен бог наш», таже все по ряду венчание. Именует напредь первобрачнаго имя и потом двоебрачного или есть мужеский пол или женский. И по скончании всего глаголет молитву о двоеженце278. Аще ли случится и треженец быти един от них, в той молитве применяет глаголя: «К третьему совокуплению», и не глаголет «браку», понеже нужа ради телесныя се бывает. Таже отпуст. Аще ли есть в неделю глаголется воскрес из мертвых Христос истинный бог наш молитвами пречистыя его матери, и святаго егоже есть храм, и егоже есть день, и всех святых помилует и спасет нас, яко благий человеколюбец.

ГЛАВА 20 ИССЛЕДОВАНИЕ ИНО279. 

280Како подобает благословити и совокупити мужеского полу и женскаго обоим сущим во вдовстве, двоеженец, и понужи троеженец введены будут сии в церковь, и возложив поп на себя патрахель и фелонь, такоже глаголет: «Благословен бог наш». Таже «Святый боже» трижды, «Слава и ныне», «Пресвятая Троице», «Господи помилуй» трижды, «Слава и ныне», «Отче наш». Священник: «Яко твое есть царство». Таже тропарь и кондак дню. «Слава и ныне», «Богородичен». Диакон: «Господу помолимся». Священник глаголет молитву сию: «Господи боже наш, иже Авраама друга назвав, и Исаака возлюбив, и Якова к жене Лии совокупив, устроивше того и второму ложу Рахилину приобщитися, сам ныне благослови рабы своя сия, имярек. Освяти иже ко второму браку, или третьему, приходящая, ради естественного искушения и еже ко юности прилучшагося вдовства. Ты бо хотя немощи нашей Павлом сосудом избрания твоего законоположив, лучше быти телесного разжежения, еже Господи брака, немятежен тех живот соблюди, целомудренно тем пожити благоволи в повелении твоих бдящих отпряженъя соуза, яко твоя держава и твое есть царство и сила и слава Отца и Сына и святаго Духа ныне и присно и во веки веков аминь». Апостол в среду 17 недели зачало 231. Ко Ефесеом: «Братие мужие, любите своя жены, яко и Христос возлюби церковь и предася сам за ню, да ю освятит, очистив банею водною словом, да ю поставит себе славну церковь неимущу скверны ни клосни ни иного таковаго, но да будет свята и непорочна. Тако суть должни мужи любити своя жены, аки своя телеса: любяй свою жену, себе любит — никтоже бо никогда же своея плоти ненавидит, но кормит ю и греет. Яко-же и Христос церкви, удове есмы телеси его и от плоти его и от телесе его и от кости его. Сего ради оставит человек отца и матерь и прилепится жене своей и будета281 в плоть едину. Тайна сия велика есть. Аз же глаголю во Исусову церковь: Обаче и вы поединому кождо свою жену тако да любит». И посем ектенья, «Помилуй нас боже», таже поминает царя и святителя и поимающихся, таже и отпуст, Христос истинный бог наш молитвами пречистыя его матери, и святого егоже есть храм, и егоже есть день, и всех святых помилует и спасет нас, яко благий человеколюбец.

О ВТОРОМ БРАЦЕ282.
ГЛАВА 21 ИЖЕ ВО СВЯТЫХ ОТЦА НАШЕГО НИКИФОРА283 КОНСТАНТИНА
ГРАДА ИСПОВЕДНИКА. 

Правило о церковных его сочинениях, иже с ним святых отец правило второе. Двоеженец не венчается, но и запрещение приемлет не причастится святых тайн два лета, а треженец 5 лет.

ГЛАВА 22 О ТОМ ЖЕ НИКИТЫ БЛАЖЕННАГО МИТРОПОЛИТА ИРАКЛИИСКОГО284
ОТВЕТЫ НЕКОМУ КОНСТАНТИНУ ЕПИСКОПУ.
О НИХ ЖЕ ВОПРОШЕН БЫСТЬ.
О ДВОЕЖЕНЦЕХ ЗАПРЕЩЕНИЕ. 

Опасенъе, убо двоеженца не обычно венчати. Великая же церкви обычая сицева не разсмотряет, но и на джвоеженцы не-вестныя венцы возлаг ет, и никтоже от сего, когда обвиновен бысть, обаче едино или две лете причащения отлучает их, но и венчавшаго презвитера с ними вечеряти не попусти. По седмому правилу ижев Неокесарии сбора.

 

Страницы: 1 2

Вы можете оставить комментарий, или ссылку на Ваш сайт.

Оставить комментарий