Стоглав. Постановления Стоглавого Собора (1551 год)

ГЛАВА 81. ОТВЕТ О ВДОВЫХ ПОПЕХ И О ДИЯКОНЕХ

Якоже преже нас отцы соборно изложиша и уставиша по священным правилом святых апостол и святых отец, и по поучению великого чюдотворца Петра митрополита киевского и всея Русии, и по написанию святейшаго Фотея митрополита киевского и всея Русии, что вдовым попом и диякочом не служити, а которые обещаются в чистоте пребывати, и тем попом и дияконом стояти на крылосе а имати им у служащих священников и у дияконов, которые на их место станут, во всяких церковных доходех четвертую часть. Да тем же вдовым попом и дияконом повелели им соборне потрахели держати в домех. Да и причащатися им в церкви в олтаре и в патрахели, а не служити. А дияконом держати стихарь да уларь и причащатися в олтаре, а не служити. А не учнут те вдовые попы и дияконы на крылосе стояти, а учнут мирская действовати, и им четвертой части у служащих у попов и у дияконов не имати и на крылосе не стояти. А которые те вдовые попы и дияконы после своих жен учнут жити в чистоте и в покаянии, и в прочих добродетелех, да стоят на крылосе. Или после своих жен восхотят во мнишеский чин пострищися в монастырех, у духовных пастырей, да, обновив собя чистым покаянием, и восхотят служити, и они благодаря бога да с благословением святительским, аще будут достойнии, — да служат божественную литоргию и вся священническая действуют в святых церквах в монастырех, а не в мирских местех. А в мирских местех никогда же не живут, ни действуют. И ныне и впредь тем вдовым попом и дияконом жити потому же, якоже прежде нас соборне уставили по святым правилам. А святыми церквами тем вдовым попом и дияконом не владети и духовных детей им не дрьжати. А владети и действовати святыми церквами служащим священником и дияконом, которые на их место станут. А тем вдовым попом и дияконом ни во чтоже церковное не вступатися, но токмо в чистоте пребывати да на крылосе стояти, моля бога, и уреченную четвертую свою часть у служащих священников и у дияконов имати. А которые вдовые попы и дияконы учнут мирская действовати, и тем в миру и пребывати, и царской дани да подлежат. А на крылосе однолично таковым не стояти и четвертой части не имати. А которые те вдовые попы и дияконы обещаются чистоту хранити и на крылосе стояти, тем попом и дияконом
имати у святителей благословенью патрахельныя и уларные грамоты крепости для и бережения, а пошлин от них не давати. Да в теже им грамоты писати, что вдовым священником и дияконом, которые обещаются в чистоте пребывати по священным правилом, святого 6-го вселенского собора 5 правило, в дому у себя женского полу не держати от зазорных лиц, но токмо кому матерь и сестру или тетку по отце или по матеро или дщерь свою. Преступающия же cue — изврещи повелевают, а мирских — отлучают.

ГЛАВА 82. ОТВЕТ О ТОМ, ЧТО ВПРЕДЬ ЧЕРНЦОМ И ЧЕРНИЦАМ В ОДНОМ МОНАСТЫРЕ НЕ ЖИТИ

Да на том же соборе преже нас отцы по священным правилом уложили, что в одном монастыре чернцом и черницам не жити. И мы ныне по тем же священным правилом и по преже вложенном соборе, что в монастырех жили в одном месте царицы и черницы, а служили у них игумены. И впредь черниом и черницам в одном монастыре не жити. А в котором монастыре учнут жити чернцы, ино туто служити игумену, а черницам в том монастыре не жити. А в котором монастыре пчнут жити черницы, ино у них служити попом белъцом, а чернцом в том монастыре не жити.

ГЛАВА 83. ДА НА ТОМ ЖЕ СОБОРЕ ПРЕЖЕ НАС ОТЦЫ УЛОЖИЛИ

Аще, который поп или дьякон упьется которого дни допьяна, и ему назавтрие обедни не служити никакоже. Аще ли обличен будет — да отлучится, аще ли не престанет — да изверлсется по священным правилом. И о том священником и дьяконом бречи накрепко. Ясти и пити в славу божию, а не во объядение, ни в пьянство. Якоже сам Христос отрече:
«Да не отягчают сердца ваша объядением и пиянством, и печальми житейскими».

ГЛАВА 84. ОТВЕТ О НОВОПОСТАВЛЕННЫХ ЦЕРКВАХ И О НОВЫХ ПУСТЫНЯХ И О ПУСТЫННИЦEX

О сем вельми подобает епископом, коемуждо во всей области, бреши по священным правилом и не попущати мирским людем новых церквей поставляти, а старые церкви презирати и небрегоми держати. Мнози бо человецы не бога ради церкви созидают, но тщеславия ради и гордости, и мест ради, и жен своих. Нецыи же от снов смущены и от бесов прельщаеми лжут и возлагают на собя обеты, и того ради хотят церкви воздвизати и молитвенные храмы поставляти. И не могут удовлети или устроити тех святых мест святыми иконами и книгами, и свещами, и служащими священники, и дияконы, и прочими причетники. Аще ли сначала возмогут, и по мале времени оскудевают, и пусты стоят, потому занеже не бога ради созидают, но тщеславия ради и прочая якоже и преди рехом. Нецыи же без благословения епископов поставляют. И о сем святых отец карфагенского собора правило 83 таковы: церкви и молитвенные храмы епископом разоряти повелевают. Такоже и в великом монаканоне грань 3, главизна 13 глаголет бо тамо сице: яко достоит хотящим молитвенные храмы или церковь созидати, и беседовати о сем градскому епископу и подаяти довлеющая ко светилогорению и священней службе и всегдашнему места блюдению, и пропитанию приседящих. И тогда епископу вещь всем явльшу с народом тамо прийти и с молитвою водрузити крест. И тогда Делу прикоснутися, и тако начни нов храм созидати или ветхий обновляти. Принужается с наследники своими от епископа и строителя князя начаток совершити в предиреченней убо грани и главизне. Такоже и инде божественная правила глаголют. В другом же паки законе градстем глаголет: никакоже попущати нова церкви или молитвенные храмы, разве якоже сии законы завещевают. Опаснейши же глаголют сице, яко аще кто не довлеет к сему, имени же убо желая еже той создатель церкви нарещися. Многи церкви суть пастися от ветьхости хотят или малы суще неукрашены, и лепо есть ему едину от таковых церковь восприемшу, ту созидати. И сию со ответом боголюбезнаго епископа.

ГЛАВА 85. О ЗАТВОРИ И ЦЕХИ О ПУСТЫННИЦEX

Также о затворницех и о пустынницех святаго шестого вселенского собора правило 41 и 42 запрещают безчину скитающихся, и в монастыри повелевают их отсылати, и в затворы затворяти. Аще ли того не хотят, от градов да ижденутся, да своему обещанию не ругаются, и в пустынях да не живут, от нихже имя себе стяжаша. Нецыи же иноцы немогии терпети во общих монастырех пастырского учения и наказания ниже своего обета воспомянуша в постригании, исходят и скитаются по градом и по весем. Нецыи же пустыни по селом созидают и церкви поставляют, и стужают царю и боголюбцем. И многим православным — в соблазн и в смущение таковое их не о бозе строение, паче же безчиние и запустение святых церквей. И таковым по священным правилом подобает епископом возпрещати и не попущати безчину скитатися, ниже пустыни по селом поставляти. Самем неискусным суще, како могут иных духовно пользовати, аще ли же божиим произволением и по откровению святаго Духа или царскою властию отныне и впредь пустыни да созидаются, и святыя церкви да поставляются по благословениюсвоего епископа в коейждо области. По соборному уложению мелкие пустыни сносити в одну пустыню, в которой чин совершается по бозе, и впредь бы им мочно прожити, или в монастыри старые во общие переместити их, как им мочно жити, а на соблазн в миру бы не скиталися. А те церкви пустынные переносити в монастыри же или на погосты и устроити, как вместимо службе быти, или приделы в тех церквей имя учинити по разсуждению. А выставки церкви, где запустели и впредь им не мочно быти, ино бы сносили их на погосты к старым церквам, да приделы в того храма имя устроили чтобы было безгрешно.

ГЛАВА 86. ОТВЕТ О ИЗБРАНИИ И О ДОСТАВЛЕНИИ АРХИМАРИТОВ И ИГУМЕНОВ ЧЕСТНЫХ МОНАСТЫРЕЙ ПОВЕЛЕВАЮТ СВЯЩЕННАЯ ПРАВИЛА

Избирати митрополиту и архиепископом и епископом, коемуждо во своем пределе, архимаритов и игуменов в честныя монастыри по цареву слову и совету, и по священным правилом, ничтоже претворяюще и по прошению о Христе братству пейждо честной обители. И избрав, посылают их ко благочестивому царю. И аще будет богу угоден и царю, и таковый лрхимарит и игумен по священным правилом да поставлен будет А избирают их святители и поставляют ни по страсты, ну по любви, ни по мзде, но бога ради по священным правилом, развее проторов церковных уставленных в митрополиях и во архиепископьях, и во епископьях по тем же священным правилом. Такоже и в попы, и во дияконы ставити безо мзды даже и до самого ключаря и прочих причетников.

ГЛАВА 87. О ПРОТОРЕХ НА ПОСТАВЛЕНИЕ ДИЯКОНА И ПОПА

От послания цареградскаго преосвященного кир Филофея. Послано на Русь с Дионисием архиепископом суждальским. По мзде не поставляти, а еже на мзде наставление -нечестие порицается явно, и того ради и поставляемыя яже многажды о себе сами исторы сотворяют на свещи, на вино и прочия пошлины, и на трапезу. Таковая же не врежается сим, ибо наставление туне бывает, якоже рече Христос: «Туне приясте, туне же и дадите». Ино бо еже взимати мзды, наставления ради, ино же о нужных потребах исторы. И обретаем господа нашего Исуса Христа, ходящу ему во многия домы со ученики своими и достойная восприяти его, иже учаще истинному слову и богоразумию и чюдеса многа сотворяюще, приимающа яже от них бываемыя. И сия множицею и любочестием. Егда бо вниде рече в дом Матерея мытаря и сотворити ему учрежение велико, и в дом вшедшу ему Марии, и Марфы тщашеся о мнози службе. И другая многа такова обрящеши. Божественный же апостол Павел от Моисеева закона провидя, да не завяжеши рта волу верхущу. Таже разум божественного писания толкуя — егда о воловех радит рече бог, но нас деля вся глаголет. Такоже священие содевающе от церкви да ядят, олтарю служащий со алтарем соделяются. Тако и Господь повеле, еже евангелие благовествующим от евангелия жити и прочее.

ГЛАВА 88. О ТОМ ЖЕ БЛАГОЧЕСТИВАГО ЦАРЯ УСТИНИЯНА

За обычая же а, токмо даяти поставляющимся епископом прощаем, яже посем в сем законе писано суть. Повелеваем убо преблаженным епископом и патриархом, се же есть папе старого Рима и Константина града патриарху, и александрьскому, и божия града Антиохея, и иерусалимскому. Аще обычай имать епископом или причетником за свое наставление 20 литр нернир или мнее даяти, таковая токмо дают якоже обычай свесть. Аще же боле сего закона вдавается ничтоже 20 литр перпир да не дается. Поставляющимжеся от митрополит и от патриарх. Аще убо менши 30 литр пернир сход на всяко (то имать церкви поставляемого, даяти за насаждение на естол 100 перпир. Грамотиком же поставляющаго и инем служащим ему и по обычаю вземлющим даяти перпир 300. Аще же церковный сход на всяко лето сходящимся менши будет 30 литр перпир, не менши же 10 литр за насаждение, убо на престол даяти 100 перпир. И нем же всем по обычаю вземлющим даяти перпир 200. Аще же будет сход церковный менши, убо десяти, не менши же пяти литр перпир, даяти за насаждение на престол перпир 8. Всем же по обычаю вземлющим дати перпир 90. Аще же будет сход церковный менши пяти, не менши же трии литры перпир, церковное притяжание имать даяти за насаждение на престол 18 перпир. Всем же прочим по обычаю вземлющим даяти перпир 24.  Аще же будет сход церковный менши убо три, не менши же дву литр перпир, даяти за насаждение на престоле перпир 12. Всем же по обычаю вземлющим даяти перпир 16 епископу же. Егоже церкви менши дву литру перпир схода имать ни за насаждение на престоле, ни за иные ни за которые обычаи даяти, что не прощаем. Таковая же нриемлюще старейший прозвитер и старейший диякон ноставляющаго епископы по обычаю вземлюще да разделяют.

Назад /   Начало     /   Далее

Страницы: 1 2

Вы можете оставить комментарий, или ссылку на Ваш сайт.

Оставить комментарий