Стоглав. Постановления Стоглавого Собора (1551 год)

Стоглав

Глава 49. О честных святых монастырех и о том соборный ответ по священным правилом.  

О еже о святых и честных монастырех о общих и особь сущих ведати и бречи церковного чина и монастырского строения духовным настоятелем и пастырем, и архимаритом, и игуменом и строителем с соборными старцы о всем по божественному уставу и священным правилом святых апостол и святых отеи и по преданию святых начальников в коемждо монастыре ничтоже претворяюще о всем по монастырскому чину.

Якоже иставиша и предаша святии отцы церковныя чины и монастырское строение по божественному уставу и по священным правилом, такоже им духовным пастырем о всем о том с божиею помощию пещися и блюсти и хранити крепко, елика их сила.

Наипаче же подвизатися им о своих духовных детех и о всем о Христе братстве и о всех служащих во святых обителех тех, коемуждо духовному пастырю по Господни заповеди. Пастырь добрый душу свою полагает за овца; и паки рече: «Болыии тоя любви никто же иматъ, аще кто душу свою положит по брате своем».

И сего ради духовным пастырем велие попечение и доброе потщение имети о своем чистом пребывании и о своих единородных и безсмертных душах ответ дати во второе пришествие Господа нашего Исуса Христа. Такоже бы по всем монастырем священницы и дияконы, и соборные старцы и все, коеждо честныя обители настоятелей духовных архимаритов и игуменов и строителей честных имели и чтили бы их и слушали и повиновалися во всем о бозе, яко присному своему отцу и учителю без всякого прекословия по божественному апостолу. Братие, повинуйтесь наставником вашим и покоряйтесь, тии бо бдят о душах ваших, яко слово воздати хотяще, да с радостию cиe творят, а не воздыхающе.

Такожде им духовным пастырем блюсти себе и всех о Христе братство от всякого зазора неподобного, наипачеже от пьянственнаго пития воздержатися. И во пьянство бы не упивалися, и горячего вина по монастырем не курити и не пити, и хмельного пития пив и медов не держати им.

И пити квасы житные и медвяные, всякие кождо по своим обиходом, а от вин от фрянзских не возбраняются: нигде бо несть писано, что не пити вина, но токмо писано, не пити вина в пьянство. А еще где брящут фрязские вина, то в славу божию испиваю, а не в пиянство.

Такоже и по особным монастырем и по девичим монастырем общим и особь сущим пьянственнаго хмельного пития не держати, а держати им квасы всякие по своим обиходом.

А по кельям бы архимариты и игумены и строители и соборные старцы и вся братия молодых ребят голоусов однолично не держали.

А которому старцу невозможно будет без служащего быти немощи ради или старости, и архимариты и игумены бы посылали к тем старцом братию на службу единого или два или человека мирского в совершенном возрасту, имущего браду, а голоусых бы робят отнюдь в монастырех по кельям не держали и в кельи бы приходити к себе не велели.

Такоже архимариты и игумены, и строители, и соборные старцы ели бы в трапезе с братиею вкупе, а по кельям бы не ели, разве немощи и старости; а пища бы архимаритом и игуменом, и строителем, и соборным старцом с братиею обща была, и иных бы брашен на архимаритов и на игуменов, и на строителев, и на старцов соборных особных не было, развее немощи, а пища бы была в трапезе всем равна.

А. которая братия в старости и в немощи и они бы тех покоили по кельям. Глаголет бо святый Исаак: небрегий болящаго не узрит света. А гостей бы архимариты и игумены, и строители , по своим кельям не кормили, а кормили бы в трапезе или в келарской. А посулу бы на слугах и на всех крестиянех не имали, а жаловали бы слуг и крестиян берегли бы безпосульно.

А чернцом бы по городом и по селом и по деревням из монастыря исходити не велели, разве великих нужных монастырских дел или своих ради нужных дел по благословению архимаричю или игуменскому. А чернцов бы в посольские не посылали, а жили бы все в монастыре по своему иноческому обету и молили бы господа бога по предиреченной заповеди.

А по которым монастырем доднесь горячие вина курили и по кельям держали, и по тем бы монастырям впредь отныне и в прочие лета однолично вин не курили и хмельного пития не держали и в пьянство не упивалися, занеже в пьянство питие не токмо священническому и иноческому чину отречено бысть, но и простым самом Христом, якоже рече во святом евангелии: «Да не отягчают сердца ваша объядением и пьянством и печальми житейскими». Такоже и божественный его апостол Павел отрече: «Не упивайтеся вином, в немже несть спасения, но паче блуд». И паки рече: «Пьяницы и блудницы царства небесного не наследят». Потом же великий Симеон Дивногорец славный чюдотворец отрече: «Похвала мнихом не пити вина»; и в Старчестве речено бысть: «Аще мних ecu, то бегай от вина, аки от змия». Такоже и великому святому Василию кесарийскому явися пречистая Богородица во сне, глаголя: «Аще хощеши, друг мой, быти и во всем помощницу мя имети, то отрцыся вина и пьянственнаго пития». Он же, возбнув, дивися заповеди пречистыя Богородица и до кончины живота своего заповедь пречистыя Богородица соблюде не пияше вина.

И сия сам Христос отрече и пречистая Богородица, и божествении апостоли и святии его пиянственное питие не токмо простым, но и святым его; коль же паче нам, слабым суще, в нынешнем последнем роду от таковых удалятися и бегати, аки от змия, от упивания в пьянство.

Такоже и архимаритом и игуменом и строителем отныне и впредь властей не докупатися и по мзде не ставитися, и детей и племянников у себя в монастыре и по кельям не держати, и по селом племянников и детей не посылати, и старых слуг и вкладчиков из монастыря не изводити, а новых слуг в монастырь приимати, и жаловали вкладчиков и старых слуг и новых с соборными старцы по совету, а жонкам и девкам по кельям не ходити, и в кельи их не пускати.

А у которых попов или у дьяконов или у чернцов увидят или вымут жонку или девку в келие, и тем попом и дияконом изверженым быти от священства по священным правилом, а простым чернцом отлученным быти от всякия святыни по тем же священным правилом.

А робятам молодым по келиям не жити, и по селам со архимариты и игумены и с старцы не ездити. А архимаритом и игуменом и строителем в объезд не ездити, а чернцов в посольских не посылати. А посылати по селом и в посольские слуг добрых.

А буду каковы дела монастырские земские: или хлеба монастырского дозрети, или управы для християнские, — и архимаритом и игуменом и строителем посылати старцов добрых на время, а не в посельские; а в посольские однолично чернцов не посылати.

А нечто будут каковы великие дела нужные земские или управы для крестьянские, ея же не возмогут старцы управити, и духовным пастырем архимаритом и игуменом и строителем по священным правилом таких ради дел единощи в год или дващи не возбраняется самем дозирати и управляти, но паки вскоре в монастырь да возвращаются. А в объезды по селом никогда же не ездят и пиров и даров крестияном творити на себя не повелевают. А которые архимариты и игумены и строителивласти докупятся, а святители ведаючи да их по мзде поставят, и по священным правилом тот святитель и с тем архимаритом или с игуменом или с строителем оба извержени будут.

А которые архимариты и игумены и строители тайно власти докупятся да о том от святителя утаят, и по наставлении обличени будут, что власти докупалися, и святителем тех по священным правилом и по поставлению изврещи и в заточение послати в великие монастыри, и давати их добрым старцом под начало дондеже исправятся. Да и прочий страх приимут на таковая не дерзати.

А монастыри и казну монастырскую и всякие обиходы монастырские царя и великого князя дворецким по всем монастырем ведати и посылати считали и отписывати и отдавати по книгам архимаритом и игуменом и строителем с соборными старцы в коемждо монастыре с теми своими соборными старцы о всем о том бречи Бога ради заедино елика их сила, чтобы церковной чин и монастырское строение шло все по чину и по преданию монастырскому по божественному уставу и по священным правилом, ничтоже претворяюще. О том же от царского написания. Что робят молодых по келиям не держати. Такоже и жонкам и девкам по келиям не ходити старцы ни о чем бы ни скиталися без царского веления и без святительского, кроме великия нужи или праздничного ради приезда с священными водами. А о нужных делех пишут с слугами к святителю, и святитель к нам доносит, и аз повелеваю cue вскоре управляти. А о иных потребах и о управах слуги приходят, кому те монастыри приказаны будут, и аз потому же велю управляти.

А старцы бы жили все в монастырех по монастырскому чину о всем по преданию святых отец и по правильному завещанию и по нашему наказу и по соборному уложению, все бы было обще вкупе, якоже предаша и заповедаша святии отцы. Да не побежает страсть сребролюбия и сластолюбия и стяжания никоегожде, и упражнялися бы вкупе все на славословие божие и на всякое соборное согласие и на порученныя службы. И видя их господь добрая дела и о бозе попечение и о спасении душа своея, и тех ради святых молитв и добродетельного ради по бозе жития, подаст и нам богатую свою милость, и вложит Господь страх в душа наша и направит нас на путь мирен; аще убо cue презрено будет от неких безчинных и непослушливых, и тем от святителей о сем быти в великом запрещении и во отлучении, а от нас во изгнании будут и в мирском наказании. А творящим по сему преданию, якоже в предиреченных честных обителех, велию от бога милость получат и дерзновение имут о полезных нам молитися. Вас же, убо о боголюбезнии святителие и преподобнии отцы и все христоименитое стадо и с своею братию, молю вас и милея дею и со слезами припадаю: помогайте нам во своих святых молитвах и великих подвизег к богу всегда, да утвердит господь православное cue царство мирно и немятежно в род и род и во веки. И ваших ради святых великих молитв и нам даровал бы бог оставление грехом и получити жизнь вечную. А яз должен вашу всякую тяготу понести по разсуждению и бречи во всяких скорбех, елико ми бог поможет молитвами пречистыя Богородица и всех святых. Аминь. никоторыми делы кроме церковного моления с верою прибегающим по обещанию с мужем или с братом или с сыном ломолитися и потом из церкви за монастырь исходят. А служебники бы были во всяких службах старцы, а слуги бы монастырские были женаты, а иные как производят сверстные, аще хранят чистоту телесную, а жили бы поодаль монастыря. А чернцы бы к ним из монастыря в домы не приходили никоторые ради потребы, а жонки бы и молодые отроки и девки отнюдь никакоже никоторыми делы в монастырь не входили ни с ким послужением, а входили бы слуги сверстные и женатые бо время о всяких потребах и о всяких монастырских службах, о им повелят и куды их пошлют, и они потому творят. А архимариты бы и игумены ни в котором монастыре без соборных старцов и без келаря и без казначея ничем не властвовалися. Такоже бы и соборные старцы и келари и казначеи без архимаритов и без игуменов ничтоже не творили. А в трапезе бы по вся дни вкупе сшедшися ели, а брашно бы и питие всем равно, а лучатся гости ино в трапезе же стол предпоставляти, а в келарской по великой нужи заезжаго ради великого человека князя или болярина почтили, или какова от вельмож. А братства держати по обиходу как возможно чину монастырскому строитися, а по городом бы и по селом архимариты и игумены и

Глава 50. Ответ «О священническом и иноческом чину»

Да духовным же пастырем архимаритом и игуменом и строителем и с соборными старцы от приходящих к ним в честныя обители с верою и со страхом божиим и желанием сердечным от иных монастырей от свщенническаго и иноческого чина приимати их бога ради ничтоже от них истязающе хотящих жити в коейждо обители о Христе в братстве и во всем духовом покорении у настоятеля и в конечном послушании. И таковых приходящих с верою приимати и в братству о Христе сочетати, и покоити их, как и прочюю братию, по монастырскому чину, и смотрити пастырем жития их, и аще будут непорочны безо всякого зазору священническое и иноческое житие проходят, и таковых пастырем бречи духовне да по совету с соборными старцы и в службы монастырския посылати по их достоинству. А в том себе духовным пастырем ни от кого зазору не имети, что не того монастыря постриженики, ниже ропотником потакати, такоже бы всем пастырем духовным с соборными старцы всяким безчинником не попущати, но духовне наказывати и исправляти по евагнельскому словеси: "Аще согрешит к тебе брат твой и, обратився, глаголя: «Каюся», аще и седмищи согрешит на день и седмищи, обратився, глаголя: «Каюся», — отпусти ему. И тогда вопроси его Петр, глаголя: «Господи, доколико крат аще согрешит в мя брат мой отпущу ему, до седмь ли крат?» И глагола ему И су с: «Не глаголю ти, Петре, до седмь крат, но до седмьдесят крат седмерицею». Сице о кающихся и обращающихся о гресех повело Христос приимати, а необращающихся и не кающихся и паки речи Христос: «Аще согрешит к тебе брат твой, а ты шед собою и едином тем обличи его. И аще послушает тебе, то приобрел ecu брата твоего. Аще ли не послушает, то пойми с собою единого или дву, да при двоих или трех свидетелех станет всяк глагол. Аще ли и тех прослушает, повежд церкви. Аще ли и церковь прослушает, буди ти якоже язычник и мытарь». И того ради духовным пастырем подобает мудрым быти и вся по евангельскому словеси исполняли, и духовне разсуждати кающихся и обращающихся по евангелию и по священным правилом приимати и исправляти, а не кающихся и необращающихся, явственно безчинствующих на соблазн миру, и таковых по евангелию и по священным правилом апостольским и отеческим не токмо от церкви и от всякия святыни отлучати, но и из обителей изгоняти, дондеже обратятся и покаются. Якоже и божественный апостол Павел к Тимофею написа: «Скоро ни на кого руки не возлагай. Запрети, умоли, обличи. Согрешающаго же пред всеми обличи, да и прочий страх имут».

Такоже всем пастырем духовным приимати с верою и со страхом приходящих к ним православным християн на покаяние и хотящих от них сподобитися святаго ангельскаго мнишескаго образа, и в покорении и во всяком терпении и в конечном о Христе послушании обещаются по евангелию жити и скорби всякия терпети царства ради небесного. И от тех не истязовати ничтоже, но токмо сами что дадут по своей силе, то от них приимати по священным правилом. И духовным пастырем такоже с верою и сердечным желанием, паче же и со слезами, приходящих в монастыри приимати и на время жития их смотрити, и аще со всем желанием о бозе восхотят, и тогда по их вере духовныя пастыри с божиею помощию по преданию и по уставу святых апостол и святых отец постризают их в церкви на соборе со всею братию, разве великий немощи, и о Христе братству сочетают, и поучив о всех полезных и наказав страху божию и преподают их духовным старцом под начало. Они же по благословению пастырскому их учат и наказуют страху божию и всему житию и борению иноческому хранити чистоту вкупе душевную и телесную, паче же пребывати в воздержании и в покорении и в любви и в конечном о бозе послушании к пастырю и старцу и ко всей о Христе братии, имети же себя в последних и всех менши ничтоже разсужающи, но токмо безпрестанно бога славити, избавльшаго его от мирского жития и суеты и сподобившаго его ангельскому святому образу и житию и чину мнишескому, но токмо помнити грехи своя и плакатися со слезами, и жити с правилом и с молитвою, якоже предаст ему пастырь старец, и знати церковь божию и келию старчю, и трапезу. А по келиям и из монастыря без благословения пастырского и старчя никогдаже не исходити. И тех новоначальных пострижеников пастырем по часту духовне наказывати и поучати страху божию, чтобы слушали о всем по бозе своих духовных отцов и старцов и пребывали бы в чистоте и в покаянии и в прочих добродетелех иноческого борения до конечного издыхания. Также духовным пастырем не токмо верных приимати на покаяние и постризати, но и неверным, хотящих крестится и ангельскому святому образу мнишескому чину сподобитися, приимати и ничтоже от них от крещения и постризания истязати по священным правилом. Якоже глаголет, аще который епископ или презвитер освященная продаст или отдаст, или освоит или от крещения у кого, или от покаяния или от причастия воспросит, или который игумен от чернечества воспросит селика или толика злата и сребра, ecu таковии да извергнутся по священным правилом. Или коя игумения от пострижения потому же истязует, а не бога ради постризают ниже по силе от них приемлют, таковых повелевают игуменей священная правила из монастырей изводити и в другии в монастырь под начало посылати. Да и прочий покажутся таковая не творити. Также и по всем девичим монастырем общежительным и особь сущим приходящих с верою приимати и постризати и ничтоже от них истязати по священным правилом о всех потому же, якоже преди рехом.

Страницы: 1 2

Вы можете оставить комментарий, или ссылку на Ваш сайт.

Оставить комментарий